NON É UN ADEUS; É UN ATA PRONTO.

Xa rematada esta sinatura, despedímonos do blog, pero eso non significa que non nos vexades pronto!
Moitas grazas pola vosa visita e por seguirnos paso a paso polas nosas andainas dentro deste blog, esperemos que nun futuro non moi lonxano poidámonos ver e xa como mestras!
Grazas por pasar con nós esta esperiencia enriquecedora!

Verémonos pronto con moitísimas máis ideas!

O NOSO PASO POLO NOSO BLOG!

Aquí deixámoos unha viñetas que representan claramente o comezo do noso paso polo blog e o noso final!

Ao principio da nosa andaina polas novas tecnoloxías sentíamos que non entendíamos moi ben cómo podíamos chegar a incluílas dentro da nosa metodoloxía como futuras docentes...

Pero grazas a esta materia, e a aprender a empregar recursos TIC como serían Jclic, Webquest, Edilim... esperamos que nun futuro no moi lonxano poidamos ser así!

Moitas grazas pola vosa visita!

COMO AFECTOU A MATERIA DE NOVAS TECNOLOXIAS Á NOSA MANEIRA DE PENSAR COMO FUTURAS MESTRAS?

O día que nos dixeron que íamos dar a materia de Novas Tecnoloxías sentimos certa incertidume, porque vimos dunha escola onde as TIC poucas veces se usaban dentro da metodoloxía das nosas clases.
Pero grazas a esta materia aprendimos que como futuras docentes, temos que innovar o máximo posible co emprego das nosas tecnoloxías para que os nosos cativos e cativas poidan recibir a mellor educación posible.
Polo tanto, debemos romper esa brecha dixital entre o profesorado e o alumnado. Grazas a esta pequena introducción ao mundo das TIC en educación pretendemos que con esforzo e entusiasmo poidamos aportalles aos nenos e nenas unha aprendizaxe máis significativa á vez que se divirten!

O NOSO CARTEL!

Despois de todo o traballo feito... Aquí deixamos o noso cartel! Esperamos que vos guste!

RESUMO DAS ACTIVIDADES DISEÑADAS!

Aquí os deixamos un resumo das actividades diseñadas para facer cos nosos cativos e cativas!
Botádelle un vistazo!

 Para a realización deste proxecto empregamos diversos recursos relacionados coas TICs aquí os amosamos algúns que se poderían facer para a realización das actividades propostas.

    Na actividade 2, para aprender cousas novas sobre os animais, empregamos o JCilc que nos facilitou a labor, xa que puidemos desenvolver exercicios diversos e interactivos, entre os que destacamos:

Exercicio 1: O alumnado terá que buscar na sopa de letras as características dos animais invertebrados.

Exercicio 2: Este exercicio consiste nu xogo de memoria, no cal os alumnos buscarán as parellas das imaxes.

Exercicio 3: sería o mesmo ca o exercicio primeiro pero neste caso sobre animais vertebrados.

Exercicio 4: Consistiría nun xogo de memoria pero neste caso sobre animais vertebrados.

    Un dos recursos empregados para a actividade 3 é a webquest que neste caso foi realizada por nós e que se pode ver a través deste enlace:

https://sites.google.com/site/webquestsobreosanimaisdagranxa/

    Un dos recursos empregados nunha das actividades é EdiLim, un programa que permite a realización de diversos tipos de exercicios coas TICs que lle ofrecen aos alumnos unha entretida, e sobre todo, divertida forma de aprender. Os exercicios que realizarán na actividade 5 con este programa son as seguintes:

Exercicio 1: Os alumnos terán que facer unha distinción entre hortalizas e legumes arrastrando unha serie de fotos a unha caixa ou á outra.

Exercicio 2: Este é un divertida sopa de letras na que os nenos terán que encontrar no medio de todas esas letras o nome dos alimentos reflexados nas imaxes.

Exercicio 3: Aquí terán que conseguir adiviñar a que grupo pertencen os alimentos da imaxe.

Exercicio 4: Aquí terán que conseguir adiviñar a que grupo pertencen os alimentos da imaxe

Exercicio 5: Este puzzle tamén é unha divertida forma de descubrir diversos alimentos pertencentes ao grupo dos tubérculos

Exercicio 6: Aquí terán que conseguir adiviñar a que grupo pertencen os alimentos da imaxe

    Na actividade 6 utilizamos o PDI para que o noso alumnado aprenda cousas novas sobre os alimentos que temos na nosa horta. Este recurso axudounos a deseñar unha serie de exercicios que nos parecen interesantes e divertidos para os nenos. Nesta serie de exercicios, os nenos deberán adiviñar os ingredientes cos que están feitas as receitas que mostramos.

Exercicio 1:

Exercicio 2:

Exercicio 3:

Exercicio 4:

COMENTARIOS DOS BLOGS

A continación poremos as nosas opinións sobre as diferentes páxinas creadas polos compañeiros:

B1-G1: Un blog moi ordenado e orixinal. Bo traballo!

B1-G2: Musical e traballado. Ben feito!

B1-G3: Título orixinal e documentación variada. Seguide así!

B1-G4: Moi visual e entretido. Ben traballado.

B1-G5: Elección das cores correcta, ó día, moi visual.

B1-G6: Incompleto, faltan algunhas entradas.

B2-G2: Divertido e dinámico. Moi ben!

B3-G1; Vistoso, con cores relacionadas co tema. Fantástico!

B3-G2: Ben traballado e actividades entretidas e variadas, Seguide así!

B3-G3: Bonito, dinámico e orixinal.

B3-G4: Orixinal, ordenado e divertido. Estupendo!

B3-G5: Moi bo traballo, tanto a nivel de contidos como visual.

B4-G1: Entretido. Ben deseñado para nenos e nenas de primaria.

B4-G2: Completo e visual. Ben feito!

B4-G3: Información variada, ben documentado e vistoso. Noraboa!

B4-G4: Musical e cun deseño bonito, relacionado co tema. Moi ben!

ANÁLISE DA PELÍCULA E A SERIE

PELÍCULA

"O Rei León"

1.- Ficha técnica

• Dirección: Rob Minkoff e Roger Allers.
• Produción: Don Hahn.
• Ano de estreo: 1994.
• Xénero: Animación, aventuras, comedia, musical.
• Duración: 88 minutos.
• Argumento: Simba é un cachorro de león e sucesor ao trono da selva, algo que non lle gusta ao seu tío Scar e polo que prepara un plan para ocupar o trono. Coa axuda de tres malvadas hienas, Scar orde un engano na que o seu irmán e rei Mufasa morre e que provoca que Simbacrea que foi pola súa culpa e decida fuxir á selva, despois de que as tres hienas quixesen matalo tamén. Alí coñece un suricato chamado Timón e un facóquero chamadoPumba, que o adoptarán e, ademais de iniciar unha amizade, lle ensinan a filosofía de vivir sen preocupacións: o Hakuna Matata. Mentres tanto, o seu tío Scar, no funeral de Mufasa e o seu fillo Simba, toma o trono e anuncia o nacemento dunha nova era. Anos despois, Simba xa adulto rescata a Pumba de ser comido por unha leoa. Esta resulta ser a súa antiga amiga de infancia Nala, que ao recoñecelo lle pide que volva para recuperar o trono. O reino converteuse nun auténtico despropósito, mal gobernado e sen comida nin auga. Simba, que nun primeiro momento non quere renunciar ao seu actual estilo de vida, finalmente acepta tras entrar en conversación cun mandril chamado Rafiki, o cal lle fala sobre o seu pai. Nese momento, a alma do seu pai aparece no ceo, dicíndolle que debe recordar quen é e de onde vén. Despois de que a alma de Mufasa desapareza, Simba, xunto con Rafiki, reflexiona sobre o que el debe facer e así parte inmediatamente ao seu fogar a reclamar o trono.
  Simba, a quen nun principio todos confunden co seu pai, é testemuña da decadencia do seu reino e enfurecida decide actuar. É neste momento cando Simba obriga a Scar a revelar o segredo que gardaba todos eses anos: ser o responsable pola morte de Mufasa. Aínda cando Simba alega que fora un accidente, Scaraproveita, e xunto coas súas hienas, o leva ata o bordo dun precipicio. Nese momento, un trono cae sobre o pasteiro seco e inicia un incendio. Simba esvara e trata de sosterse, coas súas patas dianteiras sobre o bordo. Entón Scar tómao das súas patas e confesa nese momento, que el foi o verdadeiro asasino do seu pai. Simba cheo de rabia salta sobre Scar e obrígao a confesar publicamente, traizoando e culpando as hienas do seu plan. Tras unha batalla final, na que Scar remata sendo asasinado polas furiosas hienas, o ciclo da vida péchase co ascenso ao trono de Simba, co remate final dun epílogo, no que Simba e Nala casan e Rafiki presenta a nova e futura sucesora de ambos os dous.

2.- Análise técnica de planos e cores

As cores atópanse, na maioría das escenas, nun punto de saturación perfecto: non resultan rechamantes e tampouco dan a sensación de tenebrosidade como facía o spot publicitario. Non obstante, cómpre incidir en que depende moito do sentimento que se queira transmitir, pois as tonalidades cambian en función de tal feito.
No tratante ós planos, utilízanse todo tipo de encadres e movementos (Planos medios, xerais, curtos, panorámicos...)

3.- Utilidade didáctica

Esta película amósanos unha gran cantidade de especies pertencentes á sabana, tanto animais como vexetais, polo que pode resultar un medio moi axeitado para a aprendizaxe dos seus rasgos característicos, a súa relación co ambiente... Ademais, tamén estaría ben amosarlles algúns dos valores que se transmiten como, por exemplo, o da amizade ou o amor. E por último, tampouco habería que esquecer o feito de que este filme está baseado na obra literaria de Hamlet, unha nova fonte de información sobre a que investigarían.

4.- Valoración crítica

Considerámola un recurso didáctico importante i enriquecedor, ademais de entretido, adaptado para a idade á que está destinado o noso proxecto, pois transmite unha serie de contidos visuais que probablemente se farían algo máis pesados se se ensinasen por medio dos libros de texto.

5.- Proposta de mellora

Non se pode mellorar, é preferible deixala como está.

SERIE

"Calimero"

1.-  Ficha técnica

• Dirección: Yugo Serikawa.
• Estudio: Toei Animation.
• Ano de estreo: 1974.
• Xénero: Comedia, drama.
• Duración: 52 episodios.
• Descrición: Calimero, o pequeno polo, é un anime, baseado nunha creación italiana, sobre un encantador aínda que desafortunado poliño antropomorfizado de debuxos animados. É o único de plumaxe negra nunha familia na cal todos os demais poliños posúen plumaxe amarela e caracterízase por levar a metade da súa casca sobre a súa cabeza.
• Personaxes: Calimero, Prsicilla, Valeriano, Rosita, Piero, Susy, Galletoni e Cesira. 

ANÁLISE DO SPOT PUBLICITARIO

SPOT PUBLICITARIO

"Pezqueñines, ¡no, gracias!"

1.- Análise obxectiva

• Descrición del anuncio: Este spot publicitario que se anuncia baixo o título de "Pezqueñines, ¡no, gracias!", trátase dunha campaña de conciencia de evitación, creada polo Fondo de Regulación e Organización do Mercado dos Produtos da Pesca e Cultivos Marinos (FROM), que pretende evitar o consumo daqueles casos que aínda non acadaron as tallas mínimas establecidas no Real Decreto. Adquirimos este material audiovisual a través da páxina de Youtube, onde foi colgado pola canle magramagob o día 3 de agosto de 2012. A súa duración máxima é de 52 segundos. Por último, cabe dicir que foi transmitido por televisión en 1983 e se mantivo ata dez anos despois.

• Descrición da imaxe: Trátase dun vídeo que xira en torno a unha paisaxe submarina, composta por cunchas, algas, area... e será neste entorno onde se desenrolen as personaxes principais: uns peixes pequenos de diversas cores, feitos cunha animación que, pese a ser infantil e animada, de seguro que non só vai destinada para este tipo de público. Todos eles levan cadanseu chupete mentres representan unha canción en castelán, cun claro ton de denuncia.

• Descrición do texto: Deixando a un lado a letra da canción, na pantalla aparecía, na parte inferior, a frase de "una pescadilla de 60 gramos pesará 2 kilos dentro de 2 anos". Un perspicaz comentario cunha poderosa indirecta sobre cando é recomendable pescala. Ademais, durante todo o spot interprétase o seguinte texto:

"El pez que aún es pequeño tiene que crecer.

Peces pezqueñines no debes comer.

Pezqueñines, ¡no, gracias!

Para que pueda crecer,

y me haga grande y rico y alimente bien.

Pezqueñines, ¡no, gracias! Debes dejarlos crecer."

 2.- Análise interpretativa

•  Público ao que vai dirixido: Como xa dixemos, este contido audiovisual vai dirixido a todo tipo de telespectadores, aínda que quizais pretenda incidir máis nos pequenos, pois supón unha maior facilidade o feito de convencelos e de conciencialos ca os adultos, xa cuns ideais claros e relativamente complicados de cambiar.

•  Características da imaxe: Empréganse cores escuras e desaturadas para elaborar os fondos, sempre mariños, mentres que os bebés protagonistas e as súas nais ou avós destacan por riba deste mediante unhas tonalidades claras e rechamantes como, por exemplo, azul, laranxa, amarelo, verde,  rosa...

•  Mensaxe del anuncio:  Tal e como expuxemos no primeiro apartado, a principal ideoloxía que se intenta transmitir con esta cortometraxe sería a de a necesidade de establecer un maior control con respecto á pesca, pois moitas persoas adicadas ao ámbito mariño incumpre, ás veces, as regras do Real Decreto que fixan as medidas aceptadas para a pesca de especies mariñas.

• Sistema de valores: Fomenta o cumprimento destas leis, co fin de evitar o comercio ilegal de casos que non adquiriron o nivel axeitado de desenrolo.

3.- Análise subxectiva

• Opinión persoal: En resumo, escollemos este material pola súa relación co noso tema: os seres vivos, e pola maneira de presentalo, adecuada para a súa visualización no curso de 3º de Educación Primaria, que é para o que está dirixida a unidade didáctica que estivemos elaborando durante este cuadrimestre. Parécenos un anuncio moi crítico e adaptado para o alumnado desa idade, sendo capaz de facelos pensar e recapacitar sobre os seus actos tanto nese momento como nun futuro próximo. Ademais, a canción que se reproduce durante este, ao ter voces infantís e harmonías simples e sinxelas, constituirá nun forte atractivo para os pequenos e, en certa forma, axudará á súa aprendizaxe ou retención.

• Como faríamos o anuncio: Respecto a este punto cabería dicir que o modelo empregado por esta campaña nos resulta aceptable e apropiado. Sen embargo, ben é certo que realizaríamos algúns cambios como, por exemplo, nas tonalidades. Na nosa opinión son demasiado escuras, e crean así unha sensación tenebrosa que, probablemente, non quixeran transmitir nun primeiro intre.

ANÁLISE DO DOCUMENTAL

 DOCUMENTAIS

"Animales vertebrados" e "Animales Invertebrados"

 1.- Ficha técnica

• Título: "Animales Vertebrados" e "Animales Invertebrados".
• Lugar de procedencia: Ámbolos dous pertencen á mesma canle de Youtube: Ciencias Educativas S.A., específica para asuntos deste tema.
• Ano de carga: 3 e o 20 de agosto de 2014, polo que se pode dicir que abarca un tempo relativamente recente para os cativos e cativas.
• Duración: Menos de media hora.

2.-  Análise técnica de planos e cores

A calidade destes vídeos non é excesivamente boa, pero aínda así pódense distinguir as imaxes cun detalle razoable, e cunha saturación correcta.
Os planos, por outra parte, son variados e se complementan entre si, formando unhas combinacións que, ó fin e ó cabo, producen un bo resultado.

3.- Utilidade didáctica

No referente á selección deste material audiovisual, o escollemos debido ao seu contido didáctico. Neles faise unha pequena presentación común sobre os seres vivos, que é o noso contido de traballo principal, e despois cada un deles continúa cunha das clasificacións que propoñemos: en animais vertebrados e invertebrados.

En xeral, a súa linguaxe é adecuada para os nenos e nenas deste nivel educativo (3º de Primaria). Aínda que de vez en cando aparecen termos que ó mellor non controlan completamente, ben é certo que son capaces de entender as mensaxes e a información básica que transmiten ambos documentais. Iso si, están en castelán, co que poden modificar un pouco a dinámica galeguista da aula.

4.- Valoración crítica

Na nosa opinión trátase dunha nova maneira de amosar contidos, quizais máis entretida e levadeira que outros métodos máis tradicionáis. Estes se presentan con claridade, explicando cada punto de información con precisión, conseguindo así unha mellor aprendizaxe que de seguro captará a atención do alumnado.

SELECCIÓN DE DOCUMENTAIS, SPOT PUBLICITARIO, SERIE E PELÍCULA

Aquí vos deixamos unha serie de documentais relacionados cos seres vivos, xunto co spot publicitario, a serie e a película que escollemos para a representación de dito tema. Vos animamos a que lle botedes un vistazo!:

 Documentais:

Spot publicitario:

 Serie:

Película: 

ACTIVIDADE 8 (II): CREACIÓN DE ACTIVIDADES NO CURSO VIRTUAL

Día 6 de abril de 2015

Na clase de hoxe, a través do recurso virtual de JClic, creamos as nosas propias actividades con respecto á nosa temática: os seres vivos e a súa clasificación en vertebrados e invertebrados. Tamén buscamos en internet, concretamente na páxina de Youtube, vídeos e documentais sobre o que abarca o noso temario e cuxas ligazóns atópanse no apartado de recursos.

A tarefa foi asequible.

ACTIVIDADE 8: CREACIÓN DE ACTIVIDADES NO CURSO VIRTUAL

Día 23 de marzo de 2015

Hoxe dedicámonos a pasar as actividades que tiñamos redactadas no proxecto aos recursos virtuais que nos ofreceron durante a leción, que foron EdiLim e PDI.

Tarefa medianamente asequible. Houbo certas dificultades para facernos cos programas nos ordenadores.

ACTIVIDADE 7: CREACIÓN DE SITES III

Día 16 de marzo de 2015

Na clase de hoxe por fin creamos o sites para o noso proxecto. Chámase igual que este blog: ticreandonomundo. Escollemos este nome porque nos parece relevante dicir que o alumnado a través das TICs poden aprenden acerca do mundo natural que os rodea e, principalmente, sobre os seres vivos que o habitan.

A tarefa foi asequible.

PÁXINAS E RECURSOS WEB QUE POIDAN SER EMPREGADOS EN EDUCACIÓN PRIMARIA

Día 16 de marzo de 2015

Aquí vos deixamos unha serie de webs e portais educativos tanto para o profesorado como para o alumnado. Parécenos relevante destacar que as ordenamos conforme a metodoloxía que están a empregar.

 

http://educalab.es/que-es-educalab

O procedemento para atopar esta web institucional educativa para o profesorado foi primeiramente unha procura en google que foi “webs institucionais educativas para o profesorado” onde se atopou o intef e dentro deste procuramos educalab que é a web institucional.

Esta web institucional é en liña (on-line).

Esta páxina web é aportada polo Ministerio de Educación, Cultura e Deporte.

Está moi ben estruturada e organizada, onde podemos ver diferentes ventás sobre información acerca dela, conexións con blogs, con canles de youtube, twitter… Tamén apórtanos unha axenda para ver acontecementos importantes e podemos colaborar en diversos proxectos a través desta web institucional, cousa que é moi interesante.

http://www.eduteka.org/

O procedemento para atopar esta web institucional foi o mesmo que a anterior, pero neste caso atopamos nun primeiro momento unha páxina web (http://www.aula21.net/primera/portaleseducativos2.htm) onde atopamos o enlace a esta web.

É unha web institucional en liña (on-line).

A pesar de que sexa da Fundación Gabriel Piedrahita Uribe que é de Colombia e promove a mellora da calidade da Educación Básica e Media en Colombia co apoio das TICs, nos parece moi interesante porque pode aportar moitísimas ideas para o emprego das novas tecnoloxías nas aulas de Educación Primaria.

http://www.educastur.es/

O procedemento empregado para atopar esta web institucional para o profesorado foi a mesma que as anteriores na procura de “webs institucionais educativas para o profesorado”.

É unha web institucional en liña (on-line).

Parécenos relevante facer mención desta web institucional porque a pesar de centrarnos neste caso no profesorado, tamén aporta ideas ao alumnado e á familia. Dentro do profesorado podemos destacar os recursos didácticos que nos aporta esta web que como din na súa descrición “Preténdese proporcionar apoio ao profesorado e, no seu caso, ao alumnado, para atopar e empregar na súa actividade materiais e recursos didácticos disponibles nos portais institucionais do servizo público educativo español. Tamén pode accederse dende aquí a unha serie de boas prácticas de proxectos pedagóxicos desenvolvidos en centros dende o ano 2000.”

http://www.educa.jcyl.es/educacyl/cm/infantil?locale=es_ES

O proceso de procura consistiu en, mediante a axuda de Internet, investigar sobre webs institucionais que estivesen dirixidas ao alumnado. Para isto empregamos os termos “web institucional alumnos”.

É unha web institucional en liña, é dicir, on-line.

Segundo puidemos observar, esta plataforma pode constituír unha gran axuda para os nosos alumnos, pois ten dispoñibles diversos materiais didácticos como poden ser, por exemplo, aqueles relacionados con cuestións do corpo humano, dos seres vivos, dos números, letras, idiomas…

Ademais, o seu deseño sinxelo e ilustrado facilitará unha aprendizaxe mediante o xogo e os contidos audiovisuais, o cal servirá como unha especie de motivación para os pequenos.

http://www.educastur.es/index.php?option=com_content&task=category&sectionid=377&id=47&Itemid=91

A busca seguiu o camiño marcado pola web anterior, é dicir, os recursos tecnolóxicos, ao igual que os conceptos resultaron ser os mesmos.

Tamén é unha web institucional on-line.

Nesta plataforma, pertencente á Comunidade Autónoma de Asturias, atoparemos diversas maneiras de levar a cabo as nosas actividades, pois nos ofrece cantidade de recursos para traballar historia, ortografía, idiomas, matemáticas e o uso das TIC. Polo tanto, pódese dicir que é unha plataforma que nos axuda a desenvolver as múltiples capacidades do noso alumnado, ao igual que nos permitirá introducir as novas tecnoloxías en Primaria.

http://recursostic.educacion.es/aeduc/aprender/web/generales/marco.swf

En canto ao proceso de investigación da web, foi o mesmo que nos apartados anteriores.

Tamén é unha web institucional on-line.

O uso desta páxina da Comunidade de Navarra divídese en dous puntos a desenrolar, que serían por un lado as competencias de “aprender a ser” e por outro “aprender a facer”. Na primeira delas insistirase na adquisición de cousas ás que te podes enfrontar na vida cotiá como poden ser, por exemplo, os centros comerciais, o transporte, a cociña, os recursos tecnolóxicos (ordenadores, televisión…). Por outra parte, tamén podemos ensinarlles contidos referentes á saúde, á limpeza, hixiene…, polo que, en resumo, aportará mediante xogos interactivos uns materiais educativos útiles e que lles servirá para aplicar no seu día a día.

http://www.educa.jcyl.es/es

Para a busca deste portal, empregamos a plataforma de Google e introducimos “portais educativos para o alumnado”.

É un portal educativo on-line.

Parécenos interesante este portal educativo debido a que abarca practicamente todas as áreas da Educación Primaria, asi coma tamén unha serie de exercicios de reforzo para traballar no verán.

http://www.educapeques.com/juegos-educativos

Atopamos este portal educativo para o alumnado na procura por Google de “portais educativos para o alumnado” e xa apareceu directamente.

É un portal educativo on-line.

Parécenos interesante, xa que, podemos abarcar todas as áreas do currículo con el e mediante xogos interactivos que están na rede, os nenos e nenas poden aprender e reforzar os coñecementos.

http://www.educalandia.net/alumnos/

Atopamos este portal educativo para o alumnado a través da procura por Google de “portais educativos para o alumnado” e apareceunos na segunda páxina.

É un portal educativo on-line.

Nos pareceu interesante porque o alumnado pode abarcar todas as áreas do currículo de Educación Primaria e incluso de Educación Infantil, e é un recurso para que os máis cativos páseno ben mentres están aprendendo.

http://www.educayaprende.com/

Atopamos este portal como resultado dunha busca de Google onde escribimos os conceptos “portais educativos para o profesorado”  e xa apareceu directamente coma unha entrada.

Trátase dun recurso on-line dirixido ao profesorado no que se lle presentan unha serie de xogos interactivos como ideas que pode realizar na súa aula para tratar diversas materias. E unha páxina moi interesante xa que presenta diversas alternativas para os docentes para que cando queiran poidan varias as súas clases.

http://educacontic.es/

Para atopar este portal educativo o que fixemos foi poñer na busca de google portais educativos para o profesorado, a que nos levou a unha entrada que ofrecía unha listaxe cunha serie de portais, onde unha delas era esta.

Trátase dun portan on-line que ofrece ao profesorado unha serie de recursos que estes poden empregar nas súas clases, así coma un blog no que poden realizar preguntas que lle serán contestadas ou no que poden ler as cuestións realizadas por outras persoas. Tamén ten un catálogo no que a través de filtros as persoas poden encontrar artigos sobre temas de interese.

http://www.maestroteca.com/

Esta web tamén a atopamos na listaxe na que dimos co anterior portal educativo, trala busca en google de “portais educativos para profesorado”.

Este portal é unha páxina web on-line, cun directorio cunha gran cantidade de opcións para o profesorado separados por materias, ademais de enlaces para outros temas relacionados como as oposicións, cursos online, etc.